الجمعة، 18 مارس 2011

حيوانات حبيبة

دوغرى من غير لف ولا دوران
ممكن تستغرب موضوع النهاردة 
مرة فى الثانوى كنت فين فين ببص من الشباك ففيه شجرة كبيرة امام الشباك وفوق الشجرة خالص عش لغرابين اكيد طبعا ذكر وانثى علشان انا كنت ملاحظ بيض وجو اسرى كدة وانتو فاهمين طبعا يعنى ايه جو اسرى كنت بحب اتفرج على الجو الاسرى من الشباك  ومحدش يفهم كلمة جو أسرى بمعنى غلط
المهم ياسيدى كنت بلاحظ حاجة غريبة اوى ان فى تعاون غريب بين الغراب والغرابة من درجة مشاركتهم فكل شىء مكنتش عارف افرق الذكر من الانثى الا عندما يكون هناك جو اسرى بينهم بس
الاتنين بيرقدو على البيض الاتنين بيبنو العش الاتنين بيدافعو عن العش كنت بحب اشاهد مشاركتهم وبقول سبحان الله
هو الحيوان بيحب؟
يعنى ايه؟؟
يعنى اقصد بيحب زينا مثلا يعنى الحالة اللى بتجينا حالة فريدة بالانسان ولا هى فى كل مخلوق على وجه الارض
ازاى الحيوانات بيتجوزو اقصد يعنى ازاى بيختارو بعض وبيعيشو بمشاركة كدة وازاى بيحافظو على الاسرة وازاى ... وازاى...
بصراحة الموضوع كبير
بما انى قرات كتاب عن الحيوانات وقرات فحكاية الحب والعاطفة وكدة والزواج  فاقدر اوصلكم اللى فهمتو
اول نقطة نتكلم فيها وباختصار ... هل الحيوانات بتملك عاطفة؟؟؟
بالنسبة لحكاية العاطفة دى فالحيوانات بتملك عاطفة فياضة وخصوصا عاطفة الامومة بتظهر فيها جدا


العلماء مرة علشان يقيسو درجة العاطفة وانها ممكن توصل لغاية فين عند الحيوانات جابو قطة وحطوها فناحية وجابو ابنائها وحطوهم فناحية وحطو بينهم سلك كهربائى الام اللى هى القطة حاولت تعدى السلك الكهربائى والعلماء كانو بيزيدو من درجة الصاعق الكهربائى ولكن القطة كانت مستعدة انها تضحى وتسحمل الالم علشان توصل لاولادها
الحيوانات بتملك اكبر عاطفة فى العالم وهى الامومة

هو الحيوان بيشعر يعنى عنده مشاعر وعواطف انت بتقول كلام مش معقول دايما الحيوان عندنا فكرة انه مش بيحس خالص لذلك بنشتم لاى حد بنقوله ياحيوان ياحمار علشان الكائنات دى فمفهومنا انها مش بتحس ولا تشعر لكن فى الحقيقة الكائنات دى حساسة ومرهفة الحس كمان

سمعتو عن الاسد اللى اكل المدرب بتاعو...اكيد سمعتو
بس على فكرة انتو مسمعتوش تكملة القصة
الاسد بعدها مات بشهر او اقل
بيسالو اصحاب السيرك ايه اللى حصل
قالو ان الاسد حس بالندم ومرضيش ياكل او يشرب
كأنه بينتحر من الاحساس بالندم ومات الاسد
 ياضناية حرام والله امانة مش حساس وحبوب



ياجماعة احنا مبيهمناش دا كله احنا بيهمنا الحب الهوى الذكر والانثى
ما احنا بنتكلم اهو وقلنا اننا بنتكلم هل الحيوان بيحس ولا لا
العلاقة الزوجية  فى عالم الحيوان الناس بتعتقد انها جنس بس ملهاش اى جانب عاطفى او روحانى
الكلام دا غلط تماما
العملية بتقوم بطقوس وباسلوب متحضر للغاية
تعرف طرق الحيوانات للزواج ازاى
سمعت الشيخ كشك مرة بيتكلم عن زواج الطيور فبيقول طريقة قبول العصفورة للزواج من عصفور فالعصوفور بيجيب حبة قمح
ويتزين ويتشيك ويروح على سنجة عشرة وريشو متسرح على احدث قصة  ويحط الحباية دى امام العصفورة اللى هو معجب بيها
لو خدتها يبقى ما شاء الله خلاص بقيت مراته من غير مأذون ولاشهود المهم  رضيت بيه اعجبت بيه
البطريق كذلك بيروح بحصاة شىء رمزى برضو للانثى اللى هو معجب بيها وبيحط الحصاة تحت قدميها بكل رقة وحنية لو خدت الحصاة تبقى قبلت انها تعيش معاه لو اعجبت بيه
لو مش قابلة هتاخد الحصوة برضو بس علشان تديلو بيها على دماغو هههههههههه ويطير البطريق يهرب منها مع انو مش بيطير

الغزلان بيتجوزو ازاى...بيقولك بيجى الدور على وحدة وحدة فى القطيع فلو انثى كانت بالغة وهى معجبة بغزال معين   وفيه غزال تانى غيرو معجب بيها وعاوز يتجوزها
يبقى الصراع هيبتدى
يتجمع القطيع كله ويتصارع الاتنين اللى عايزين يتجوزو المزة دى واللى يفوز هو المحظوظ بيها
موضوع الحيوانات كبير
لكن الخلاصة اللى عاوز اقلها
الحب موجود فى كل كائن وموجود فى كل حتى وكل زمن وكل شىء
الحب يملىء حياتنا كلنا
مش حكر على البشر بس لالالالا دا الحيوانات كمان بتحب وعندها احساس
بيقلك ان الذئب لما بتموت مراته او بيفترقو بيزيد عواءه والقطيع يعتبره مات لانه لن يقدر على الصيد تانى فبيفضل يعوى بدرجة زيادة عن كل القطيع لغاية ميصدعهم ويصدعنا حزنا لفراق زوجته

لو انت مش بتحب تبقى بتسير ضد الطبيعة احنا كدة ربنا خلقنا نحب وعايزين نتحب ونعيش حياتنا كلها حب فحب
الموضوع لسة مخلصش ولسة فى عناصر تانية جميلة جدا عن الحيوانات والحب بينهم ومفاجأاااااااااااااااات
بس علشان محدش يمل من القرأة والبوست الكبير


هختم بكلام شبه كلام  احمد  مكى ففيلم طير انت
الحيوانات عالم نقى اوى عمرك شفت فيل ساب مراته علشان مغلباه ومطهقاه فعيشتو
عمرك شفت كلب ساب مراته علشان شكلها مش ولابد
المشاعر هى اللى بتحكم
حبهم من غير مصالح
من غير شروط
حب للحب
مش حب لحاجة تانية
قابيل اتعلم ازاى يدفن اخوه من غراب
متيجو نتعلم ازاى نحب من الحيوانات.
ازاى دى بقى انتظرو البوست اللى جاى
________________________________________________________________________
نصائح عمو حزمبل

دى فقرة جديدة وان شاء الله مستمرة هنقولك نصائح تساعدك ازاى تعرف قيمة الحب فحياتك وكمان ازاى تدخل الحب حياتك وكمان ازاى تحافظ عليه ويستمر معاك ممكن هنبدأ نصايح لطيفة صغيرة لكن كبيرة لما تتبعها
النصيحة الاولى::: اقرأ رويات عبير(اشهر رويات للجيب رومانسية)
دايما تحت مخدتى بتكون فيه رواية من رويات عبير


هناك 10 تعليقات:

سكن الليل يقول...

في تعليق قايلك .. يا لطيف يا لطيف ^_^ !

عجبني الموضوع جدا

ربنا سبحانه وتعالى خلق المخلوقات كلها فيها المحبة والود والمشاعر .. انسان او حيوان او نبات او اي خلق

ودي الفطرةا لسليمة:فطرت الله التي فطر الناس عليها

وللاسف لما بنحيد عن الفطرة دي

تلاقي مشاعرنا انتزعت ومبادئنا

جميلة الدعوة للحب واننا نتعلم المودة من اي مخلوق

عجبتني الرحلة الأولى هنا

وإن شاء الله تتكرر

^_^

فيلسوف زمانه يقول...

فرصة سعيدة يا سكن الليل
والمدونة نورت
وطبعا الحب فطرة فينا الكره دا مش مخلوق جوانا احنا اللى بنستسلم لوسوسة الشيطان والحقد والكره فبيتقتل الحب
لكن الحب هو الاصل هو الفطرة السليمة

;كارولين فاروق يقول...

ايه الرومانسيه دي كلها
يا فيلسوف من الجميل انك تتكلم
عن الحب في بوستاتك
والنهارده اضفت
الحب بين الحيوانات
بجد حاجه جميله جدا
تقبل تقديري واحترامي

فيلسوف زمانه يقول...

صدقينى تعليقك دايما بيسعدنى
وشكرا على المتابعة يا كارولين
ويارب اكون فى حسن ظنك
ويوفقك ربنا
تقبلى شكرى وامتنانى

وردة الجنة يقول...

ماشاء الله عليك جدا موضوع صحيح كبير بس مش ممل بجد كنت مستمتعة جدا بالقراءة وكان نفسى اكمل بقيت الكلام هستنى البوست اللى جاى وهفضل موجودة هنا فى المدونة بس لو جوعت بقى ولا حاجة حضرتك اللى خسران دليفرى على حساب حضرتك علطول هههههههه

هستنى البوست الجديد

تحياتى وتقبل مرورى

فيلسوف زمانه يقول...

هههههههههههههههههههههههه
بس انتى نورينا والدليفرى والعصاير علية
نورتينا ونورتى المدونة
وشكرا لمرورك الكريم
وفرصة سعيدة

AHMED SAMIR يقول...

المدونة رائعة و الموضوع جميل و دي اول مرة اتشرف بزيارة المدونة و ان شاء الله لن تكون الأخيرة

فيلسوف زمانه يقول...

اهلا وسهلا بيك فمدونتك
وشكرا على ثنائك اللطيف
وفرصة سعيدة

♥نبع الغرام♥♪≈ يقول...

جميل اوى طرحك للموضوع

عجبتنى اووووووووووووووى فكرة البوست

ربنا زرع الحب فى الحيوان قبل الانسان اخى

دمت ودام احساسك الرائع


تحياتى
ايناس

فيلسوف زمانه يقول...

ربنا يخليكى وتفضلى منورانا كدة دايما بمتابعتك
وشكرا على ثنائك الجميل
ومرورك الخفيف اللطيف
ربنا زرع الحب فكل كائن بس اللى يحافظ على زرعتو هو الفايز فالدنيا دى مش يحرقها بنار الحقد والحسد